IKONA TË GJALLA NGA DUX

Një ekspozitë e kuruar nga Pernille Vest

DUX paraqet ekspozitën Ikona të Gjalla në lidhje me edicionin e këtij viti të 3DaysofDesign në Kopenhagë.°Stilistja interiore Pernille Vest ka kuruar ekspozitën "Ikona të Gjalla" në Galleri Mikael Andersen bazuar në mobiliet ikonike të Bruno Mathsson.

"Ekspozita Ikona të Gjalla është një tribut për klasiket e përjetshme nga Bruno Mathsson projektuar për DUX. "Ikona të Gjalla" bazohet në bashkëveprimin e objekteve nga dizajnuesit modernë skandinavë që, për nga forma dhe materiali, sfidojnë dhe njëkohësisht pasqyrojnë dizajnin ikonik të Bruno Mathsson," thotë Pernille Vest, stiliste interiori dhe kuratore e ekspozitës.

Arkiteti dhe projektuesi Bruno Mathsson ka lindur në vitin 1907 në Värnamo të Suedisë dhe është projektuesi që ka influencuar më së shumti dizajnin modern të mobilieve suedeze. Gjatë viteve 60 dhe 70, DUX kishte një bashkëpunim të ngushtë me Mathsson, i cili i dha jetë një sërë klasikesh të përjetshme të DUX si; kolltuqe dhe mbështetëse këmbësh Ingrid , Jetson , Karin , Karin 73 dhe Pernilla 69 dhe tavolina anësore Karin .

Brun Mathsson ishte një prej pararendësve të stilit që më vonë u njoh si Moderni Suedez. Po aq klasike sa mobiliet e tij është edhe historia sesi Bruno Mathsson u ul mbi një pirg dëbore për të krijuar formën optimale për një mobilie. Pikëfillimi i Mathsson për një mobilie ishte gjithmonë forma e trupit dhe mekanika e uljes - ndërveprimi mes mobilieve dhe njerëzve.

Siç e ka thënë vetë ai:

''Ulja bazë është art më vete, që në fakt s'duhet të jetë. Në vend të kësaj, prodhimi i mobilieve për t'u ulur duhet bërë me një art të atillë që ulja në to të mos kthehet në art."

– BRUNO MATHSSON

IKONA TË GJALLA NGA DUX
Galerie Mikael Andersen
Bredgade 63
1260 Kopenhagë

Ekspozita është e hapur gjatë 3DaysofDesign, në datat 15-17 qershor 2022
Orari i hapjes 10:00 - 17:00

Vizitoni uebfaqen e 3daysofdesign