Dhimbja mbi mes dhe lehtësimi i saj
Shqetësimi i dhimbjes mbi mes mund t'ju mbajë larg aktiviteteve që pëlqeni. Mos e lejoni dhimbjen mbi mes të ndikojë negativisht në jetën tuaj. Identifikoni shkakun themelor dhe adresojeni menjëherë që të mund të jetoni jetën në maksimum. Më poshtë keni një listë të disa shkaqeve të zakonshme të dhimbjes mbi mes si dhe disa qasje për mënyrën e trajtimit të tyre.
Çfarë e shkakton dhimbjen mbi mes?
Problemet e nyjave ose diskut
Dhimbja mbi mes mund të shkaktohet nga dëmtimet ose përkeqësimi si hernia diskale, frakturat e diskut ose sëmundja degjenerative e diskut. Përveç kësaj, nyjat që lidhin brinjët me shpinën mund të irritohen ose të pësojnë lëndim. Mjeku mund t'ju ndihmojë të përcaktoni nëse problemet e nyjës ose diskut ju shkaktojnë dhimbjen mbi mes.
Irritimi muskulor
Ka grupe të mëdha muskujsh në pjesën e shpinës lart që bëjnë lidhjen me skapulat, kafazin e kraharorit dhe të tjera. Këta muskuj janë burim i zakonshëm i dhimbjes për shumë njerëz dhe mund të lëndohen lehtësisht ose të rraskapiten nga shumë lloje aktivitetesh. Edhe nëse nuk bëni stërvitje intensive që mund të ndikojë te pjesa e sipërme e shpinës suaj, mund të grumbulloni shumë trysni në zonën e shpatullave, e cila mund të çojë në dhimbje mbi mes. Shpesh qëndrimi i papërshtatshëm mund të irritojë muskujt e pjesës së sipërme të shpinës, siç është kërrusja mbi tavolinë ose fjetja në një shtrat pa mbështetëse ose përdorimi i jastëkëve që janë shumë të fortë ose shumë të butë.
Kush rrezikon nga dhimbja mbi mesin?
Kushdo mund të ketë dhimbje mbi mes, por atletët kanë pak më tepër gjasa të vuajnë nga dëmtimet mbi mesin dhe shpatull. Edhe pse dëmtimet e shpatullës zakonisht ndodhin në nyjat mes shpatullave dhe krahëve, mundet që edhe të tërhiqni, ndrydhni ose lodhni grupet e mëdha të muskujve në pjesën e sipërme të shpinës gjatë ushtrimeve intensive si vozitja, boksi dhe ushtrime të tjera.
Si trajtohet pjesa e sipërme e shpinës?
Trajtimi me masazh ose të ftohtë/ngrohtë
Nëse dhimbja në pjesën e sipërme të shpinës është relativisht e lehtë, mund ta lehtësoheni shumë me një masazh të mirë. Mund të provoni të përdorni edhe borsa dhe/ose qese akulli (mund të shihni që alternimi i tyre ju ndihmon në mënyrë të veçantë) për të qetësuar irritimin e muskulit dhe ënjtjen. Edhe qetësuesit që blihen pa recetë mund t'ju ndihmojnë. Megjithatë, vetëm këto mënyra nuk i zgjidhin domosdoshmërish problemet themelore që ju shkaktojnë dhimbje në pjesën e sipërme të shpinës.
Fizioterapia dhe/ose operacioni
Nëse keni një gjendje të caktuar, dëmtim ose sëmundje që ju shkakton dhimbje në pjesën e sipërme të shpinës, mjeku juaj mund t'ju rekomandojë operacion dhe më pas fizioterapi, ose thjesht vetëm fizioterapi. Fizioterapistët mund t'ju ndihmojnë të shëroheni nga dëmtimi dhe nyjat ose disqet e përkeqësuara, dhe mund të parandalojë përsëritjen e dëmtimit duke ju forcuar pjesën e sipërme të shpinës.
Heqja e streseve dhe zëvendësimi i mobilieve pa mbështetëse
Në qoftë se një aspekt i jetës suaj ju shkakton stres të panevojshëm, qoftë puna ose jeta e ngarkuar familjare, bëni ç'të mundeni për ta adresuar problemin në thelb. Vlerësoni nëse një punë e re ose pozicion i ri brenda kompanisë mund t'ju ndihmojë të përmirësojë balancën tuaj punë-jetë ose të gjeni mënyra për t'i siguruar më shumë kohë kujdesit për veten. Për shumicën tonë, tensioni mblidhet në pjesën e sipërme të shpinës, poshtë lakut të qafës dhe mes skapulave. Ulja e stresit jo vetëm që e lehtëson tensionin, por edhe ju çliron fizikisht dhe mendërisht për t'i hapur rrugë një produktiviteti më të madh në punë dhe shijim të kohës personale.
Dhimbja mbi mes mund të përkeqësohet edhe nga pozicioni i tavolinës, karriges ose mobilieve të tjera në shtëpinë tuaj. Nëse keni probleme me gjumin ose zgjoheni me dhimbje mbi mes, atëherë mundësisht fajin për këtë e ka shtrati. Afërsisht një të tretën e jetës e kaloni në shtrat, ndaj i detyroheni vetes të bëni kërkim dhe të investoni për një dyshek që e mbështet trupin dhe shpinën tuaj në një pozicion të relaksuar natyral për një gjumë vërtet të thellë dhe gjallërues.
Shtrati DUX është dizajnuar t'ju ndihmojë të reduktoni të gjitha llojet e dhimbjes së shpinës, përfshirë dhimbjen mbi mes. Nëse vuani nga dhimbja mbi mes bëni mirë të kontrolloni jastëkët DUX si dhe jastëkun me susta të brendshme DUX Xleep. Mbështetja e vazhdueshme e siguruar nga jastëkët dhe dyshekët DUX mund t'ju ndihmojnë të merrni çlodhjen që ju duhet për t'u zgjuar me ndjesinë e energjive të plota. Edhe nëse vuani nga dhimbja mbi mes për shkak të një gjendjeje kronike, mbështetja pa trysni e shtratit Dux mund t'ju ndihmojë të lehtësoni dhimbjen në mes dhe t'ju mundësojë një gjumë më cilësor. Shtratin DUX e gjeni në dyqane anembanë botës.
